2018-ին Հայաստանէն Դուրս Դրամական Փոխանցումները 20 Տոկոսով Աճած Են

0
749

ԵՐԵՒԱՆ, «Հետք».- 2018-ի տուեալներով՝ անհատներու կողմէ արտերկրէն Հայաստան ուղարկուած գումարներու ծաւալը փոքր աճ արձանագրած է: Միւս կողմէ էականօրէն աւելցած է դրամի արտահոսքը: Նման միտում արձանագրուած էր նաեւ 2017-ին, երբ աւելի արագ թափով աճած էր դրամական փոխանցումներու արտահոսքը, քան ներհոսքը:

Ըստ Կեդրոնական դրամատան տուեալներուն՝ 2018-ի Յունուարէն Դեկտեմբեր ամիսներուն անհատ մարդիկ դրամատուներու միջոցով արտասահմանէն Հայաստան ուղարկած են 1 միլիառ 785,6 միլիոն տոլար: 2017-ի հետ համեմատած՝ այս թիւը աւելի է 29,1 միլիոն տոլարով կամ ընդամէնը 1,6 տոկոսով:

Նոյն ընթացքին անհատ մարդիկ դրամատուներու միջոցաւ Հայաստանէն արտասահման փոխանցած են 1 միլիառ 188,4 միլիոն տոլար: Ի տարբերութիւն ներհոսքին՝ այս ցուցանիշի աճը շատ աւելի մեծ է 198,6 միլիոն տոլարով կամ 20 տոկոսով: Փոխանցումներու զուտ ներհոսքը, այսինքն՝ ներհոսքին ու արտահոսքին տարբերութիւնը կազմած է 597 միլիոն տոլար: Զուտ ներհոսքը 2017-ի հետ համեմատած՝ նուազ է 169 միլիոն տոլարով կամ՝ 22,1 տոկոսով:

Փոխանցումներու գլխաւոր աղբիւր հանդիսացող Ռուսիայէն 2018-ին ներհոսքը կազմած է շուրջ 1 միլիառ 50 միլիոն տոլար:

Հայաստանէն արտասահման ուղարկուող գումարներուն պարագային, ցանկին վրայ եւս Ռուսիան առաջատարն է: Նախորդ տարի անհատ մարդիկ դրամատուներու միջոցով Հայաստանէն Ռուսիա ուղարկած են շուրջ 472 միլիոն տոլար՝ 96 միլիոն տոլարով կամ 25,4 տոկոսով աւելի, քան 2017-ին:

LEAVE A REPLY

Please enter your comment!
Please enter your name here