Հայաստանի Տնտեսական Աշխուժութեան Ցուցանիշը Յունուարին Աճած է 6,1 Տոկոսով

0
731

ԵՐԵՒԱՆ.- Հայաստանի տնտեսական աշխուժութեան ցուցանիշը (ՏԱՑ) Յունուար 2019-ին 6,1 տոկոսով աճած է՝ Յունուար 2018-ի հետ համեմատած:

Ըստ «Արմէնփրէս»ի՝ Հայաստանի ազգային վիճակագրական կոմիտէն ներկայացուցած է երկրի ընկերա-տնտեսական վիճակը բնութագրող նախնական հիմնական տնտեսական ցուցանիշները:

Յունուար 2019-ի ցուցանիշներուն համաձայն՝ շինարարութեան ոլորտին մէջ աճը կազմած է 22,1 տոկոս: Ելեկտրականութեան արտադրութեան ցուցանիշը 26,3 տոկոսով նուազած է՝ նախորդ տարուան նոյն ժամանակահատուածին հետ համեմատած: Ծառայութիւններու ծաւալը (առանց առեւտուրի) աճած է 15,6 տոկոսով:

Սպառողական գիներոու ցուցանիշը աւելցած է 0,6 տոկոսով, իսկ արդիւնաբերական արտադրանքի գիներու ցուցանիշը նուազած է 2,6 տոկոսով:

Առեւտուրի շրջանառութիւնը աւելցած է 19,3 տոկոսով: Արդիւնաբերական արտադրանքի ծաւալը 0,4 տոկոսով պակաս է՝ Յունուար 2018-ի հետ համեմա-տած: Միջին ամսական անուանական աշխատավարձը աճած է 4,1 տոկոսով (172 հազար 198 դրամ): Պետական հատուածին մէջ միջին ամսական անուանական աշխատավարձը կազմած է 149,399 դրամ, նախորդ տարուան հետ համեմատած՝ աճելով 6,5 տոկոսով, իսկ մասնաւոր հատուածին մէջ կազմած է 184 հազար 646 դրամ, աճելով 1,8 տոկոսով:

Արտաքին ապրանքներու շրջանառութեան ծաւալները Յունուար 2019-ին, նախորդ տարուան նոյն ժամանակահատուածին հետ համեմատած՝ նուազած են 7,6 տոկոսով, իսկ արտածումը նուազած է 15,8 տոկոսով, իսկ ներածումը՝ 3,3 տոկոսով: Դրամի փոխարժէքը Ամերիկեան տոլարին նկատմամբ Յունուար 2019-ին եղած է 485,79:

LEAVE A REPLY

Please enter your comment!
Please enter your name here