Ներկայացուցիչներու Տունը Արտակարգ Դրութիւնը Բեկանող Բանաձեւ Վաւերացուց

0
710

ՈՒԱՇԻՆԿԹԸՆ, «Ռոյթըրզ».- Ներկայացուցիչներու տունը 26 Փետրուարին, 245-182 քուէներով վաւերացուց նախագահ Տանըլտ Թրամփի կողմէ ազգային արտակարգ դրութիւն յայտարարելու որոշումը բեկանող բանաձեւը, որ հաւանաբար պիտի պարտադրէ Թրամփին՝ գործածելու վեթոյի իր իրաւունքը, առաջին անգամն ըլլալով:

Ներկայացուցիչներու տան խօսնակ Նենսի Փելոսի շեշտեց, թէ նախագահը իրաւունք չունի իրեն սահմանադրական կարգով տրուած իշխանութիւնը չարաշահելու եւ «մեր ժողովրդավարութիւնը պաշտպանելու համար, Ներկայացուցիչներու տունը որոշեց վերջակէտ մը դնել այս կեղծ արտակարգ իրավիճակին»։

Բանաձեւը այժմ պիտի քննուի Ծերակոյտին կողմէ, ուր քանի մը հանրապետականներ որոշած են նեցուկ կանգնիլ անոր, սակայն յստակ չէ, որ անոնց ձայնը բաւարար պիտի ըլլա՞յ բանաձեւը վաւերացնելու համար:

LEAVE A REPLY

Please enter your comment!
Please enter your name here