«Մենք Ոչ Մէկ Թիզ Հող Յանձնելու Նպատակ Ունինք». ԱԱԾ Տնօրէն

0
655

Մեր հողերուն վրայ պէտք է բնակին մեր հայրենակիցները եւ շէնցնեն մեր երկիրը, Արցախ կատարած այցելութեան ընթացքին յայտարարեց Հայաստանի Ազգային անվտանգութեան ծառայութեան տնօրէն Արթուր Վանեցեան:

«Այն ծրագիրը, զոր կ՛անուանենք վերաբնակեցման ծրագիր, իմ եւ մեր բոլորին առարկայական գնահատականով՝ մեր երկրի անվտանգութեան հիմնական երաշխիքը պիտի ըլլայ, որովհետեւ այն խօսքերը, այն արտայայտութիւնները եւ այն մարդիկ, որոնք միշտ կը շահարկեն այս հարցը, թէ հողերը ետ պիտի տան, պիտի բանակցին, պիտի զիջին եւ այլն, այդ ծրագիրին իբրեւ արդիւնք՝ մենք յստակ ուղերձ պիտի տանք ամբողջ հայ ժողովուրդին եւ ամբողջ աշխարհին, որ մենք ոչ մէկ թիզ հող յանձնելու նպատակ ունինք, այլ ընդհակառակը՝ մեր հողերուն վրայ պէտք է բնակին մեր հայրենակիցները եւ շէնցնեն մեր երկիրը», ըսաւ Արթուր Վանեցեան:

Յիշեցնենք, որ Արցախի Հանրապետութեան նախագահ Բակօ Սահակեան Հայաստանի Ազգային անվտանգութեան ծառայութեան տնօրէն Արթուր Վանեցեանի հետ այցելած էր Արցախ-Ատրպէյճան սահմանագիծի հարաւային հատուածը, տեղւոյն վրայ ծանօթացած զինուորներու ծառայութեան ընթացքին եւ տիրող իրավիճակին

 

LEAVE A REPLY

Please enter your comment!
Please enter your name here