Անուղղակի Սպառնալիք Մը՝ Մամետիարովէն

0
424

ԵՐԵՒԱՆ, «Երկիր».-  Երեքշաբթի, 5 Մարտին, ԵԱՀԿ գործող նախագահ Միրոսլաւ Լայչաքի հետ ունեցած իր հանդիպումէն ետք տրուած միացեալ մամլոյ ասուլիսին ընթացքին, Ատրպէյճանի արտաքին գործոց նախարար Էլմար Մամետիարով յայտնեց, թէ իր բողոքը յայտնած է ԵԱՀԿ-ի Մինսկի խմբակի ռուս համանախագահ Իկոր Փոփովին, Հայաստանի ղեկավարութեան կատարած կարգ մը յայտարարութիւններուն գծով։

Ան իբրեւ օրինակ տուած է Հայաստանի Ազգային ապահովութեան ծառայութեան տնօրէնին վերջին յայտարարութիւնը, որուն մէջ շեշտուած էր, թէ «հայկական կողմը ոչ մէկ թիզ հող պիտի յանձնէ», որ ուղղուած չէ խաղաղութեան:

Մամետիարով խնդրեց Լայչաքէն, որ Երեւան իր այցելութեան ընթացքին հարցնէ Հայաստանի ղեկավարութեան, թէ պատրաս՞տ են «մեր ժողովուրդները խաղաղութեան նախապատրաստելու, թէ զանոնք պիտի տանին այլ ուղղութեամբ»:

Իր կարգին, Լայչաք ըսաւ, որ ԵԱՀԿ-ի Մինսկի խմբակը բանակցութիւններու միակ ձեւաչափն է, որ ճանչցուած է հակամարտութեան բոլոր կողմերուն կողմէ: «Ձեւաչափի որեւէ փոփոխութիւն պէտք է համաձայնեցուի հակառակ կողմին հետ», աւելցուց ան:

LEAVE A REPLY

Please enter your comment!
Please enter your name here