Հայաստանի Երկու Օդակայաններուն Մէջ Փետրուարին Ուղեւորներու Թիւը Աճած Է 11,6 Տոկոսով

0
446

ԵՐԵՒԱՆ.- Հայաստանի երկու օդակայաններուն մէջ, ընթացիկ տարուան Փետրուարին, ուղեւորներու ընդհանուր թիւը 166,451 էր՝ 2018-ի նոյն ամսուան ցուցանիշը գերազանցելով 11,6 տոկոսով:

Ըստ «Արմէնիա» միջազգային օդակայաններ»ու փոխանցած տեղեկութիւններուն՝ Փետրուար 2019-ին, 2018-ի նոյն ժամանակահատուածին հետ համեմատած՝ «Զուարթնոց»ի մէջ ուղեւորներու թիւը աւելցած է 12,4 տոկոսով: Փետրուար 2018-ին, «Զուարթնոց» միջազգային օդակայանի ծառայութիւններէն օգտուած են 139,216 ուղեւորներ, իսկ Փետրուար 2019-ի ցուցանիշը՝ 156,452 ուղեւորներ:

Փետրուար 2019-ին, Գիւմրիի «Շիրակ» օդակայանին մէջ ուղեւորներու թիւը 9999 մարդ էր, իսկ 2018-ի նոյն ամսուան 9941 ուղեւորներու համեմատած՝ աճը 0,6 տոկոս է:

LEAVE A REPLY

Please enter your comment!
Please enter your name here