Հայաստան Կը Փորձէ Ձախողութեան Մատնել Արցախի Բանակցութիւնները. Ալիեւ

0
589

ՊԱՔՈՒ, «Ինթըրֆաքս Ատրպէյճան».-  Երեքշաբթի, 5 Մարտին, Ատրպէյճանի նախագահ Իլհամ Ալիեւ հանդիպում մը ունեցաւ ԵԱՀԿի գործող նախագահ եւ Սլովաքիոյ արտաքին գործոց նախարար Միրոսլաւ Լայչաքի հետ։ Հանդիպման ընթացքին Ալիեւ պնդեց, որ Պաքու շահագրգռուած է «Լեռնային Ղարաբաղի հակամարտութեան շուտափոյթ կարգաւորումով»։

Ալիեւ աւելցուց, թէ հակառակ բանակցային գործընթացին մէջ վերջերս նկատուած աշխուժութեան՝ «Երեւան առարկայական բանակցութիւններ կատարելու յատուկ փափաք չի ցուցաբերեր եւ ամէն կերպով կը փորձէ խոչընդոտել ղարաբաղեան հակամարտութեան կարգաւորումը»:

«Շատ կարեւոր է, որ միջազգային հանրութիւնը լուրջ ճնշում գործադրէ Հայաստանի վրայ՝ բանակցային գործընթացին մէջ յառաջխաղացքի հասնելու եւ Ատրպէյճանի գրաւեալ տարածքներէն Հայաստանի զինուած ուժերու հեռացումը ապահովելու համար», ընդգծեց ան:

LEAVE A REPLY

Please enter your comment!
Please enter your name here