Օփերայի Յարակից Տարածքի Սրճարաններու Քանդումը Կը Հանդիպի Ընդդիմութեան

0
422

ԵՐԵՒԱՆ, «Արմէնփրէս».- Օփերայի յարակից տարածքի սրճարանները քանդելու քաղաքապետարանի ծրագիրը ցոյցերով դիմաւորուեցաւ:

Սրճարաններուն տէրերը եւ աշխատողները բողոքի ցոյցերով փորձեցին կասեցնել քանդման աշխատանքները: Որոշ պահ մը, ցուցարարները փակեցին Թումանեան փողոցը: Միջամտել փորձող ոստիկաններուն եւ ցուցարարներուն միջեւ հրմշտուկին պատճառաւ վիրաւորուեցան քանի մը անձեր: Ոստիկանութիւնը բերման ենթարկեց 17 անձեր, որոնք շուտով ազատ արձակուեցան:

Նախորդ օրը սկսած սրճարաններուն քանդման գործընթացը բողոքի ցոյցերու պատճառաւ կանգ առած էր: Ցուցարարներու ներկայացուցիչները քաղաքապետարան հրաւիրուած էին եւ տե-ղեկացուած, որ սրճարանները անպայման պիտի քանդուին եւ քաղաքապետարանը մտադիր չէ իր որոշումը փոխելու:

Քանդման գործողութիւնները պիտի շարունակուին Ուրբաթ օր:

LEAVE A REPLY

Please enter your comment!
Please enter your name here