Հայաստան Աշխարհի Ամէնէն Երջանիկ Երկիրներու Շարքին 116-րդն Է

0
596

ՄԱԿը հրապարակեց «Երջանկութեան համաշխարհային զեկոյց»ը, որուն մէջ Հայաստան անցեալ տարուան հետ համեմատած՝ 13 կէտով բարելաւած է իր դիրքը՝ յայտնուելով 116-րդ տեղը՝ ստանալով 4559 միաւոր: Ըստ «Արմէնփրէս»ի՝ նախորդ տարուան զեկոյցին մէջ Հայաստան ամէնէն երջանիկ երկիրներու ցանկին վրայ 129րդն էր:

Աշխարհի ամէնէն երջանիկ երկիրներու ցանկին առաջին տեղը կը գրաւէ Ֆինլանտան 7769 միաւորով: Ֆինլանտային կը յաջորդեն Դանիան (7600 միաւոր), Նորվեկիան (7554 միաւոր), Իսլանտան ( 7494 միաւոր), Հոլանտան (7448 միաւոր): Լաւագոյն տասնեակին մէջ են նաեւ Զուիցերիան, Շուէտը, Նոր Զելանտան, Գանատան եւ Աւստրիան:

Ատրպէյճան 5208 միաւորով՝ կը գրաւէ 90-րդ տեղը, Վրաստան 4519 միաւորով՝ 119-րդն է, Թուրքիան 5373 միաւորով՝ 79-րդ, իսկ Իրան 4548 միաւորով՝ 117-րդն է:

LEAVE A REPLY

Please enter your comment!
Please enter your name here