Կլատիս Պերեճիքլեան Դարձաւ Նոր Հարաւային Ուէյլզի Առաջին Ընտրուած Կին Վարչապետը

0
474

Աւստրալահայ քաղաքական գործիչ Կլատիս Պերեճիքլեան Նոր Հարաւային Ուէյլզ նահանգին մէջ տեղի ունեցած ընտրութիւններուն յաղթած է` դառնալով առաջին կին գործիչը, որ ընտրուած է նահանգի վարչապետի պաշտօնին:

Ինչպէս կը հաղորդէ «Արմենփրես»-ը, այս մասին կը յայտնէ The Sydney Morning Herald-ը:

Պերեճիքլեանի քաղաքական ուժը` Ազատական կուսակցութիւնը յաղթած է ընտրութիւններուն իր հիմնական մրցակիցին` Աշխատաւորական կուսակցութեան:

Ընտրութիւններուն յաղթանակի լուրը իմանալէն ետք Պերեճիքլեան փորձած է զսպել արցունքները` յայտարարելով, որ Նոր Հարաւային Ուէյլզը այն նահանգն է, ուր «երկար ազգանուն ունեցող կին գործիչը կրնայ ընտրուիլ վարչապետ»:

«Ես անասելիօրէն հպարտ եմ այն վայրի համար, ուր մենք կ՛ապրինք: Եւ ամենակարեւորը ինծի համար այն է, որ անկախ անկէ, թէ ինչ ծագում ունիս, ուր կ՛ապրիս ու ինչ պայմաններու մէջ ես` այս նահանգին մէջ իւրաքանչիւրը հնարաւորութիւն ունի ըլլալու լաւագոյնը»,-ըսած է ան յաղթանակէն ետք իր կողմնակիցներուն առջեւ ունեցած ելոյթի ժամանակ:

Ընդդիմութեան առաջնորդ, Աշխատաւորական կուսակցութեան ղեկավար Մայքլ Տելին թէեւ նշած է, որ ընտրութիւններու յայտարարուած արդիւնքները դեռեւս վերջնական չեն, արդիւհաներձ զանգահարած եւ շնորհաւորած է Կլատիս Պերեճիքլեանին:

Աւստրալիոյ վարչապետ Սքոթ Մորիսըն եւս շնորհաւորած է աւստրալահայ գործիչը եւ անոր կուսակցութեան ընտրութիւններուն «իւրայատուկ, կարգապահ եւ խիզախ յաղթանակի առիթով»:

Տակաւին յստակ չէ` արդեօք Պերեճիքլեանի կուսակցութիւնը մեծամասնական կառավարութիւն պիտի կազմէ, թէ ոչ:

Նշենք, որ Կլատիս Պերեճիքլեան 2017 թուականէն կը զբաղեցնէր Նոր Հարաւային Ուէյլզի վարչապետի պաշտօնը: Այդ ժամանակ Ազատական կուսակցութեան առաջնորդ Մայք Պայրտը հրաժարական տուած էր, եւ կուսակցութեան անդամները միաձայն նոր առաջնորդ եւ նահանգի ղեկավար ընտրած էին Պերեճիքլեանը:

LEAVE A REPLY

Please enter your comment!
Please enter your name here