ՀԵԸ ԱՆԴՐԱՆԻԿԻ 16 ՏԱՐԻՔԷՆ ՓՈՔՐԵՐՈՒ ՊԱՍՔԵԹՊՈԼԻ ԿԱԶՄԸ ՀԱՍԱՒ ԼԻԲԱՆԱՆԻ ԱԽՈՅԵԱՆՈՒԹԵԱՆ ՄՐՑՈՒՄՆԵՐՈՒ ԵՐԿՐՈՐԴ ՓՈՒԼԻՆ

0
1740

ՀԵԸ Անդրանիկի   16 տարեկանէն  փոքրերու պասքեթպոլի կազմը  փայլուն արդիւնքներ կ’արձանագրէ  Լիբանանի  տարիքային խումբերու ախոյեանութեան մրցումներուն:  Ախոյեանութեան մրցումները  բաժնուած են  տարիքային տարբեր կարգերու՝ 18, 16,14 եւ 12:

ՀԵԸ Անդրանիկի պատանիները սկզբունքով պիտի մասնակցէին  իրենց տարեկիցներուն՝ 16  տարեկանէն  փոքրերու մրցումներուն: Սակայն յաւելեալ փորձառութիւն ձեռք բերելու նպատակով, անոնք մասնակցեցան  իրենցմէ աւելի մեծ՝ 18  տարեկանէն  փոքրերու մրցումներուն եւ  փայլուն արդիւնքներ  ձեռք բերելով  անցան  ախոյեանութեան  երկրորդ  փուլին:   Անոնք յետագային  պիտի  մասնակցին 16 տարեկանէն  փոքրերու ախոյեանութեան  մրցումներուն:

Կիրակի,  7 Ապրիլ  2019-ի  երեկոյեան, ՀԵԸ Անդրանիկի  պասքեթպոլի խումբը  յիսուն կէտի  առաւելութեամբ  պարտութեան մատնեց   Շեպիպէն՝ 94-41:  Մրցումը տեղի ունեցաւ Ղազիրի մարզադաշտին մէջ:

Իւրաքանչիւր  տարիքային կարգ  բաժնուած է տասը խմբակներու: Իւրաքանչիւր խմբակ կ’ընդգրկէ  չորս խումբ:  Խմբակներուն  գլխաւոր երկու դիրքերը  գրաւող կազմերը կ’անցնին ախոյեանութեան յաջորդ    փուլը:  Մեր խմբակին մէջ,  ՀԵԸ Անդրանիկէն  բացի  մաս կը կազմէին  Սանթրալը, Պիլիվըրզ, Շեպիպէն:

ՀԵԸ Անդրանիկի  կազմը  իր  խմբակին մէջ  արձանագրեց երկու  յաղթանակ, պարտութեան մատնելով Պիլիվըրզը եւ Շեպիպէն: Շնորհիւ սոյն  յաղթանակներուն մեր տղաքը անցան ախոյեանութեան   երկրորդ  փուլը:

Մեր խումբին  մարզիչն է Յարութ  Գուզուճեանը,  օգնական մարզիչ Ժան Ժագ Յակոբեանը:

Կը  շնորհաւորենք ՀԵԸ Անդրանիկի  16 տարիքէն  փոքրերու  կազմը, մաղթելով նորանոր յաջողութիւններ:

ՀԵԸ-Ի ՄԱՄԼՈՅ ԵՒ ՏԵՂԵԿԱՏՈՒԱԿԱՆ  ԳՐԱՍԵՆԵԱԿ

LEAVE A REPLY

Please enter your comment!
Please enter your name here