Խաչատուրեանի 15-րդ Միջազգային Մրցումին 12 Երկիրներէ 30 Դաշնակահարներ Պիտի Մասնակցին

0
862

Մեծանուն յօրինող Արամ Խաչատրեանի ծննդեան օրը, 6 Յունիսին, Երեւանի մէջ սկիզբ առնող Խաչատուրեանի 15-րդ միջազգային մրցումին պիտի մասնակցին աշխարհի 12 երկիրներէ 30 երաժիշտներ: Այս մասին կը տեղեկացնեն «Արամ Խաչատուրեան-մրցոյթ» մշակութային հիմնարկէն:

Մասնակցողները պիտի ներկայացնեն Հայաստանը, Միացեալ Նահանգները, Գանատան, Ֆրանսան, Իտալիան, Ճափոնը, Չինաստանը, Հարաւային Քորէան, Թայլանտը, Ռուսիան, Ղազախստանը եւ Ուքրանիան:

Խաչատուրեանի 15-րդ միջազգային մրցումի դատակազմը պիտի նախագահէ աշխարհռչակ դաշնակահար եւ խմբավար Վահագն Պապեան:

Խաչատուրեանի միջազգային մրցոյթը Միջազգային երաժշտական մրցումներու համաշխարհային դաշնակցութեան (World Federation of International Music Competitions) անդամ է: Մրցումը կ՛իրականացուի Հայաստանի մշակոյթի նախարարութեան, «Արամ Խաչատուրեան-մրցոյթ» մշակութային հիմնարկին համատեղ ջանքերուն շնորհիւ, շրագիրին գործընկեր է նաեւ ԱՊՀ Մարդասիրական համագործակցութեան միջպետական հիմնարկը:

LEAVE A REPLY

Please enter your comment!
Please enter your name here