«Մատենադարան-Գանձասար» Գիտամշակութային Կեդրոնը Պետական Պահպանութեան Տակ Առնուեցաւ

0
822

ՍՏԵՓԱՆԱԿԵՐՏ.- «Արցախփրէս»ը կը հաղորդէ, թէ Արցախի նախագահ Բակօ Սահակեանի կարգադրութեամբ՝ Երեւանի Մեսրոպ Մաշտոցի անուան Մատենադարանի մասնաճիւղ «Մատենադարան-Գանձասար» գիտամշակութային կեդրոնը պետական պահպանութեան տակ առնուեցաւ:

«Մատենադարան-Գանձասար» գիտամշակութային կեդրոնի տնօրէնի պաշտօնակատար Արամ Թորոսեան յայտնեց, որ 8 Ապրիլէն սկսեալ մասնաճիւղին հերթապահութիւնը Արցախի ոստիկանութեան պետական պահպանութեան վարչութեան աշխատակիցները պիտի կատարեն:

«Մինչ այդ հսկողութիւնը տեսահսկումի գործառկուները կը կատարէին: Նախաձեռնութիւնը Մատենադարանի տնօրինութիւնն էր, որ նախագահ Բակօ Սահակեանի հետ քննարկուած է: Արցախի ոստիկանութիւնը, գործակցելով Մարտակերտի շրջանային վարչակազմին հետ, բարձր մակարդակով, առարկայական սահմանած է հերթապահութիւնը», նշեց Ա. Թորոսեան:

LEAVE A REPLY

Please enter your comment!
Please enter your name here