Կիրակի 14 Ապրիլը Ծաղկազարդի տօնն է

0
433

Հայաստանեայց Առաքելական Ս. Եկեղեցին Տէր Յիսուս Քրիստոսի` Երուսաղէմ յաղթական մուտքի յիշատակը` Ծաղկազարդը, այս տարի տօնախմբելու է  Կիրակի  14 Ապրիլին:

Ն.Ս.Օ.Տ.Տ. Գարեգին Բ. Ծայրագոյն Պատրիարք եւ Ամենայն Հայոց Կաթողիկոսի օրհնութեամբ տօնը տարիներ առաջ նաեւ հռչակուած է իբրեւ մանուկներու օրհնութեան օր:

Տօնի առիթով Միածնաէջ Մայր Տաճարին շրջափակին մէջ, առաւօտեան ժամը 10:00-ին, հանդիսապետութեամբ Ամենայն Հայոց Կաթողիկոսի, տեղի պիտի  ունենայ Անդաստանի արարողութիւն եւ մանուկներու օրհնութիւն:

Մայր Աթոռի միաբանութիւնը ժամը 11:00-ին  կը  մասնակցի Ս. Պատարագի արարողութեան,  Սուրբ Գայիանէ վանքին մէջ: Աւարտին տեղի կ’ունենայ մանուկներու օրհնութեան կարգ:

Երեկոյեան`ժամը 17:30-ին, Սուրբ Գայիանէ վանքին մէջ պիտի  կատարուի Դռնբացէքի արարողութիւնը:

LEAVE A REPLY

Please enter your comment!
Please enter your name here