ՄԱՐԱՂԱՅԻ ԵՂԵՌՆԱԳՈՐԾՈՒԹԻՒՆԸ ԿԸ ՍՊԱՍԷ ՄԻՋԱԶԳԱՅԻՆ ԸՆՏԱՆԻՔԻՆ ԳՆԱՀԱՏԱԿԱՆԸ

0
423

ԱՀԱՐՈՆ  ՇԽՐՏԸՄԵԱՆ

Լեռնային   Ղարաբաղի  Մարտակերտի   շրջանի  Մարաղա  եւ  Մարգուշաւան  գիւղերու   հայ բնակչութեան դէմ Ատրպէյճանի  ծրագրաւորած   եղեռնագործութիւնը կը նկատուի  Լեռնային  Ղարաբաղի հակամարտութեան ամենաողբերգական  էջերէն մէկը: Մարաղա եւ Մարգուշաւան կը կազմեն վարչական մէկ միաւոր

Ամիս մը շարունակ, 10 Ապրիլէն մինչեւ 10 Մայիս 1992,  պաշարման ենթարկելէ ետք,  ազերիական  բանակի ստորաբաժանումներ, կատաղի ռմբակոծութեան ենթարկեցին  զոյգ  գիւղերը, ապա  ներխուժեցին, հրկիզեցին, աւերեցին, սպաննելով անոնց բնակչութիւնը: Վերապրողներու  մեծամասնութիւնը  ակամայ  հեռացաւ  Ռուսիա եւ Անկախ  Պետութիւններու Հասարակապետութեան (ԱՊՀ) անդամ  երկիրներ:

Մարաղա եւ Մարգուշաւան  գիւղերու դէմ կանխամտածուած յարձակումը, բնակչութեան դէմ բարբարոսութիւնները, Ժընեւեան  Ուխտի (1949)  բացայայտ խախտումներ են:

Մարաղայի եւ  Մարգուշաւանի  եղեռնագործութիւնը կը խորհրդանշէ  հայատեացութեան  օրինակ մը, ինչպէս՝ Սումկայիթը:

Հայ ժողովուրդը այս  օրերուն կ’ոգեկոչէ  Մարաղայի եւ Մարգուշաւանի  նահատակներուն  յիշատակը:

Տարիները կրնան  թաւալիլ, սակայն  մենք  չենք կրնար  մոռնալ Մարաղայի եւ  Մարգուշաւանի  նահատակներուն կտակը:  Պիտի  շարունակենք պայքարը,  միջազգային  ընտանիքէն  պահանջելով արդար գնահատական  Մարաղայի  եղեռնագործութեան եւ  ճանաչում Արցախի   հանրապետութեան:

 

 

 

LEAVE A REPLY

Please enter your comment!
Please enter your name here