Հայաստանի Եւ Ատրպէյճանի Արտաքին Գործոց Նախարարները Պիտի Հանդիպին 15 Ապրիլին

0
163

Հայաստանի Հանրապետութեան արտաքին գործոց նախարար Զօհրապ Մնացականեան եւ Ատրպէյճանի անոր պաշտօնակից Էլմար Մամետեարով պիտի հանդիպին 15 Ապրիլին, Մոսկուայի մէջ։ Այս մասին,  11 Ապրիլին, յայտարարեց Հայաստանի արտաքին գործոց նախարարութեան մամլոյ խօսնակ Աննա Նաղդալեան:

«Հանդիպման ներկայ պիտի գտնուի նաեւ Ռուսիոյ Դաշնութեան արտաքին գործոց նախարար Սերգէյ Լաւրովը՝ իբրեւ ԵԱՀԿ Մինսկի խումբի համանախագահող երկրի նախարար»,- նշեց Նաղդալեան:

Իր կարգին, Ռուսիոյ արտաքին գործոց նախարարութեան պաշտօնական ներկայացուցիչ Մարիա Զախարովա յայտնեց, որ Արցախի հիմնահարցի կարգաւորման նուիրուած պիտի ըլլայ   15 Ապրիլին, Մոսկուայի մէջ տեղի ունենալիք եռակողմանի հանդիպումը, որուն ներկայ պիտի ըլլան նաեւ ԵԱՀԿ Մինսկի խմբակի համանախագահները:

LEAVE A REPLY

Please enter your comment!
Please enter your name here