Հայաստանի Եւ Իրանի Միջեւ Կը Ստորագրուի Մաքսային Համագործակցութեան Յուշագիր

0
435

ԵՐԵՒԱՆ, «Արմէնփրէս».- Պետական եկամուտներու կոմիտէի (ՊԵԿ) նախագահ Դաւիթ Անանեան Իրանի Իսլամական Հանրապետութիւն այցելութեան ընթացքին, 15 Ապրիլին ստորագրեց փոխըմբռնման յուշագիր՝ «Հայաստանի Հանրապետութեան պետական եկամուտների կոմիտէի եւ Իրանի Իսլամական Հանրապետութեան մաքսային ծառայութեան միջեւ Հայաստանի Հանրապետութեան եւ Իրանի Իսլամական Հանրապետութեան մաքսային սահմաններով տեղափոխուող ապրանքների եւ տրանսպորտային միջոցների մաքսային արժէքի վերաբերեալ տեղեկատուութեան փոխանակման մասին»:

Սոյն յուշագիրով հիմքեր կը ստեղծուին՝ Հայաստանի եւ Իրանի սահմանով տեղափոխուող ապրանքներու եւ փոխադրամիջոցներու մաքսային արժէքը ճիշդ սահմանելու համար:

Ապրանքներու մաքսային արժէքին վերաբերեալ տուեալներու փոխանակման շուրջ կողմերուն միջեւ հաստատուեցաւ համագործակցութիւն եւ փոխադարձ օժանդակութիւն, ինչպէս նաեւ կարելիութիւն կ՛ընձեռուի արդիւնաւէտ կազմակերպելու սահմանով անցնող ապրանքներու նկատմամբ մաքսային հսկողութիւնը:

Անանեան նաեւ հանդիպեցաւ Իրանի տնտեսութեան եւ ելեւմուտքի նախարար Ֆահրատ Տեճպասանտի հետ եւ քննարկեց համատեղ հետաքրքրութիւն ներկայացնող հարցեր ու ուրուագծուեցաւ կողմերուն միջեւ համագործակցութեան հնարաւոր ուղղութիւնները:

LEAVE A REPLY

Please enter your comment!
Please enter your name here