Ուաշինկթընը Կ՛ողջունէ Ատրպէյճանի Եւ Հայաստանի Նախարարներուն Հանդիպումը

0
393

ՊԱՔՈՒ, «Armenia.az».- 22 Ապրիլին, Ատրպէյճանի մօտ Միացեալ Նահանգներու դեսպան Ըրլ Լիցընպըրկըր յայտարարեց, թէ Ուաշինկթընը կ՛ողջունէ Ատրպէյճանի եւ Հայաստանի արտաքին գործոց նախարարներուն միջեւ անցեալ շաբաթ տեղի ունեցած հանդիպումը:

Պատասխանելով այս մասին լրագրողներու հարցումին՝ դեսպանը ընդունեց, թէ «յատկապէս ըսելիք բան չունի» հանդիպման մասին, սակայն աւելցուց. «Մենք կ՛ողջունենք նախարարներուն հանդիպումը, որ տեղի ունեցաւ Մոսկուայի մէջ, ինչպէս նաեւ յայտարարութիւնը, որ կատարուեցաւ հանդիպումէն ետք: Մենք բոլորս անհամբեր կը սպասենք երկխօսութեան շարունակութեան եւ ուրախ ենք, որ արտաքին գործոց նախարարները հանդիպում մը եւս պիտի իրականացնեն»:

Լիցընպըրկըր նաեւ յիշեցուց, որ Միացեալ Նահանգները ԵԱՀԿի Մինսկի խմբակի երեք համանախագահներէն մէկն է եւ աւելցուց, որ համանախագահներուն նպատակն է խաղաղ կարգաւորման հասնիլ:

LEAVE A REPLY

Please enter your comment!
Please enter your name here