Քոչարեանի, Օհանեանի, Խաչատուրովի Եւ Գէորգեանի Վերաբերեալ Քրէական Գործը Ուղարկուեցաւ Դատախազին

0
334

ԵՐԵՒԱՆ, «Արմէնփրէս».- 1 Մարտի իրադարձութիւններուն վերաբերեալ Յատուկ քննչական ծառայութեան կողմէ քննուող քրէական գործէն անջատուած մասին նախաքննութիւնը աւարտած է: Հայաստանի նախկին նախագահ Ռոպերթ Քոչարեանի, Հայաստանի Զինուած ուժերու սպայակոյտի նախկին պետ Սէյրան Օհանեանի, պաշտպանութեան նախկին փոխնախարար Եուրի Խաչատուրովի եւ Հայաստանի նախագահի աշխատակազմի նախկին ղեկավար Արմէն Գէորգեանի վերաբերեալ քրէական գործը մեղադրական եզրակացութեամբ ուղարկուած է հսկողութիւն իրականացնող դատախազին՝ գործը դատարան ուղարկելու միջնորդութեամբ:

Քոչարեան մեղադրուած է Հայաստանի սահմանադրական կարգը տապալելու եւ առանձնապէս մեծ չափերով կաշառք ստանալու յանցանքով:

Սէյրան Օհանեան եւ Եուրի Խաչատուրով մեղադրուած են Հայաստանի սահմանադրական կարգը տապալելու յանցանքով:

Արմէն Գեւորգեան մեղադրուած է Հայաստանի սահմանադրական կարգը տապալելու գործին օժանդակելու, առանձնապէս մեծ չափերով կաշառք ստանալու եւ յանցաւոր ճանապարհով ստացուած գոյքը օրինականացնելու յանցանքով:

LEAVE A REPLY

Please enter your comment!
Please enter your name here