Պոլսոյ Մէջ Արգիլած են Հայոց Ցեղասպանութեան Ոգեկոչման Արարողութիւնը

0
331

Թրքական ոստիկանութիւնը չէ արտօնած Պոլսոյ Սուլթանահմեթ հրապարակին վրայ Հայոց Ցեղասպանութեան նուիրուած յիշատակման արարողութիւն իրականացնելը: Կը նշուի, որ արարողութիւնը նախաձեռնած էր «Թուրքիոյ Մարդու իրաւունքներու ընկերակցութեան» Պոլսոյ  մասնաճիւղի ցեղապաշտութեան ու խտրականութեան դէմ յանձնաժողովը: Այս մասին կը հաղորդէ «Էրմէնիհապեր»-ը։

Ոստիկանութիւնը պատճառաբանած է, որ Պոլսոյ իշխանութիւնները չեն արտօնած արարողութեան իրականացումը:

Ձեռնարկին մասնակցելու նպատակով Սուլթանահմեթ հրապարակ եկած էին նաեւ Թուրքիոյ խորհրդարանի հայ երեսփոխան Կարօ Փայլանը: Աւելի ուշ Փայլան արարողութեան մասնակցելու նպատակով Պոլլիս եկած Ֆրանսայի խորհրդարանի պատգամաւորներուն հետ միասին մամուլի ասուլիս տալու  նպատակով հեռացած է հրապարակէն: Ասուլիսը տեղի պիտի ունենայ Մարդու իրաւունքներու միութեան շէնքին մէջ:

Թեմայի վերաբերեալ թրքական «Evrensel» լրատուական կայքին տուած մեկնաբանութեան մէջ Փայլան յիշեցուցած է, որ ամէն տարի այդ նոյն հրապարակին վրայ մամուլի ասուլիս տուած են  24 Ապրիլ 1915-ին հայ մտաւորականներու ձերբակալութիւններու ու սպանութիւններու նիւթով:

«Այս տարի յիշատակի միջոցառումը արգիլուեցաւ: Ոստիկանութիւնը մեզի տեղեկացուց, որ արգիլուած է: Չկրցանք իրացնել սահմանադրութեամբ մեզի տրուած մամուլի ասուլիս իրականացնելու իրաւունքը»,  ըսած է հայ երեսփոխանը` աւելցնելով, որ Հայոց Ցեղասպնութեան խնդրին լուծում չգտնող իշխանութիւնը կը նախընտրէ լռեցնել ու ճնշել հանրութիւնը:

«Բոլոր այն յանցագործութիւնները, որոնց հետ չեն առերեսուիր, կը կրկնուին եւ, ցաւօք, այսօր ալ կը տեսնենք այդ յանցագործութիւններու կրկնութեան հետեւանքները», ըսած է ան:

LEAVE A REPLY

Please enter your comment!
Please enter your name here