Ատրպէյճան Արդիական Սպառազինութիւն Պիտի Գնէ. Զաքիր Հասանով

0
266

ԵՐԵՒԱՆ, ՍՏԵՓԱՆԱԿԵՐՏ, «Թերթ», «Արցախփրէս».- Ատրպէյճանի պաշտպանութեան նախարար Զաքիր Հասանով 1 Մայիսին յայտարարեց, որ Ատրպէյճան նոր եւ ժամանակակից սպառազինութիւն պիտի գնէ, կը տեղեկացնէ ատրպէյճանական «Մինվալ» լրատուական կայքը։

Պոլսոյ մէջ տեղի ունեցող IDEF-2019 միջազգային ռազմական արտադրութեանց ցուցահանդէսը այցելած նախարարը նշեց, որ որեւէ երկրէ սպառազինութիւն գնելէ առաջ, Ատրպէյճան լուրջ փորձարկումներ պիտի կատարէ։ «Փորձարկումները կրնան տեւել երբեմն 6 ամիս կամ մինչեւ մէկ տարի», աւելցուց ան:

Նախարարը պատմեց նաեւ «եղբայրական» Թուրքիոյ հետ ռազմական եւ ռազմաարհեստագիտական ոլորտներուն մէջ իրականացող նախագիծերուն մասին, ըսելով, որ ներկայիս «ունինք մեծ թիւով նախագիծեր»:

Նշենք, որ Ատրպէյճանի մէջ 1 Մայիսին սկած են «Մուսթաֆա Քեմալ Աթաթիւրք-2019» անունով ատրպէյճանա-թրքական համատեղ մարտավարական զօրավարժութիւնները, որոնք պիտի տեւեն մինչեւ 3 Մայիս:

Միւս կողմէ, իր տեղեկութիւնները Ատրպէյճանի պաշտպանութեան նախարարութենէն քաղելով, «Ռազմինֆօ»ն կը հաղորդէ, թէ Հասանով 1 Մայիսին հանդիպում մը ունեցած է Թուրքիոյ իր պաշտօնակից Հուլուսի Աքարի հետ։

Հանդիպման ընթացքին քննարկուեցան երկու երկիրներուն միջեւ ռազմական, ռազմաարհես-տագիտական եւ ռազմակրթական ոլորտի համագործակցութիւնները:

Նշենք, որ 30 Ապրիլին սկսած IDEF-2019 ցուցահանդէսի ատրպէյճանական տաղաւարին մէջ ներկայացուած են հրաձգային զինատեսակներ, զինամթերք, արկեր, ականանետներ եւ անօդաչու թռչող սարքեր։

LEAVE A REPLY

Please enter your comment!
Please enter your name here