Քննարկուեցաւ Պաշտպանութեան Ոլորտին Մէջ Հայ-ամերիկեան Համագործակցութեան Վերաբերող Հարցեր

0
294

ԵՐԵՒԱՆ, «Փաստինֆօ».- Երկուշաբթի, 6 Մայիսին, պաշտպանութեան նախարար Դաւիթ Տօնոյեան ընդունեց Միացեալ Նահանգներու արտաքին գործոց նախարարի Եւրոպայի եւ Եւրասիոյ հարցերու փոխտեղակալ Ճորճ Քենթը, որուն կ՛ընկերակցէր Հայաստանի մօտ Միացեալ Նահանգներու դեսպան Լին Թրէյսի:

Հանդիպման ընթացքին քննարկուեցան պաշտպանութեան ոլորտին մէջ հայ-ամերիկեան համագործակցութեան վերաբերող հարցեր:

Հայաստանի պաշտպանութեան նախարարը ամփոփեց փոխգործակցութեան ծիրին մէջ իրականացող ծրագիրներու ընթացքը՝ գոհունակութիւն յայտնելով համագործակցութեան ներկայ մակարդակին համար:

Ճորճ Քենթ իր հերթին ներկայացուց Միացեալ Նահանգներու կառավարութեան մօտեցումները արդի միջազգային մարտահրաւէրներուն վերաբերեալ՝ նշելով աշխարհի զանազան հատուածներու մէջ տեղի ունեցող հարցերու զարգացումներու կարգաւորման Միացեալ Նահանգներու տեսլականը:

Հանդիպման ընթացքին քննարկուեցան նաեւ տարածաշրջանային անվտանգութեան վերաբերող հարցեր:

LEAVE A REPLY

Please enter your comment!
Please enter your name here