Մահացած Է ՀՀ Ժողովրդական Արուեստագէտ, Բեմադրիչ Հրաչեայ Աշուղեանը

0
139

80 տարեկանին մահացած է  ՀՀ ժողովրդական արուեստագէտ, բեմադրիչ Հրաչեայ Աշուղեանը: Այս մասին  կը տեղեկանանք Հայաստանի թատերական գործիչներու միութեան ֆէյսպուքեան էջէն:

Հրաչեայ Աշուղեան ծնած է 1938 թուականի 7 հոկտեմբերին` Թիֆլիս: Դերասան Գէորգ Աշուղեանի որդին է: 1963թ. աւարտած է Երեւանի գեղարուեստաթատերական հիմնարկը: 1963-75 աշխատած է Երեւանի Գ.Սունդուկեանի անուան ազգային ակադեմական թատրոնին մէջ, 1975-էն` հայկական հեռուստաթատրոնին մէջ` որպէս բեմադրիչ, յետագային` գլխաւոր բեմադրիչ: 1967-էն դասաւանդած է Երեւանի թատրոնի եւ կինոյի պետական հիմնարկին մէջ (2002-էն` փրոֆէսոր), 1992-էն` Երեւանի Խ.Աբովեանի անուան հայկական պետական մանկավարժական հիմնարկի կուլտուրայի բաժանմունքին մէջ: 1975-էն հեռուստաթատրոնին մէջ բեմադրած է շարք մը ներկայացումներ: Բեմադրած է  լ.Ռիչարդսոնի «Մեծ անտառի զաւակները», Լ.Շէյնինի «Ծանր մեղադրանք», Վ.Դելմարի «Յիշէ վաղուայ օրդ», Է.Օտեանի «Թաղականին կնիկը», Զ.Դարեանի «Օր առանց մայրամուտի», Մ.Մրոժեկի «Վտարանդիներ», Գ.Սունդուկեանի 4 վոդեւիլի հեռուստաներկայացումները, զանգուածային թատերականացուած հանդիսութիւններ («Էրեբունի-Երեւան», «Գլաձորի 1700-ամեակը», 1-էն 3-րդ համահայկական խաղեր եւ այլն): Բեմադրութիւններ  իրականացուցած է նաեւ արտասահմանի մէջ: 1985թ. արժանացած է ՀՀ Պետական մրցանակի, 2001թ.` ՀՀ «Մովսէս Խորենացի», ՀԹԳՄ ոսկէ մետալներու, 2013թ.` Երեւանի պատուաւոր քաղաքացու կոչման: 1987թ. արժանացած է Հայաստանի արուեստի վաստակաւոր գործիչի, 2006թ.` ժողովրդական արուեստագէտի կոչման:

LEAVE A REPLY

Please enter your comment!
Please enter your name here