Փաշինեան-Ալիեւ Հանդիպում

0
141

Հայաստանի վարչապետի մամլոյ քարտուղար Վլատիմիր Կարապետեան մանրամասնութիւններ փոխանցեց Պրիւքսէլի մէջ, Հայաստանի վարչապետ Նիկոլ Փաշինեանի եւ Ատրպէյճանի նախագահ Իլհամ Ալիեւի ոչ-պաշտօնական հանդիպման վերաբերեալ: Ըստ «Արմէնփրէս»ի՝ Վլատիմիր Կարապետեան նշեց, որ կողմերը միտքեր փոխանակած են ստեղծուած իրավիճակին վերաբերեալ:

«Ըսեմ, որ անիկա պաշտօնական ձեռնարկ էր, որ կազմակերպուած էր՝ ի պատիւ Արեւելեան գործընկերութեան երկիրներու: Այո՛, մէկ սեղանի շուրջ կը գտնուէին Հայաստանի վարչապետը ու Ատրպէյճանի նախագահը: Տեղի ունեցաւ կարճ հանդիպում, քննարկեցին ստեղծուած իրավիճակը սահմանագիծին վրայ: Այսինքն միտքերու փոխանակում՝ իրավիճակին վերաբերեալ», ըսաւ Վլատիմիր Կարապետեան:

Պատասխան տալով հարցումին, թէ անդրադարձ եղա՞ւ սահմանային վերջին դէպքերուն, Վլատիմիր Կարապետեան ըսաւ, որ մտահոգութիւնը փոխանցուեցաւ:

Յիշեցնենք, թէ Պրիւքսէլի մէջ Արեւելեան գործընկերութեան տասնամեակին առիթով, Եւրոպական խորհուրդի նախագահ Տոնալտ Թուսքի կողմէ տրուեցաւ պաշտօնական ընթրիք մը, որուն ներկայ եղաւ վարչապետ Նիկոլ Փաշինեան:

LEAVE A REPLY

Please enter your comment!
Please enter your name here