ՀԱՊԿ-ի Գլխաւոր Քարտուղարի Նշանակման Հարցը Պիտի Որոշուի 22 Մայիսին

0
302

ԵՐԵՒԱՆ, «Արմէնփրէս».- ՀԱՊԿ-ի գլխաւոր քարտուղարի պաշտօնակատար Վալերի Սեմերիքով Հինգշաբթի, 16 Մայիսին յայտարարեց, որ ՀԱՊԿի գլխաւոր քարտուղարի նշանակման հարցը պիտի որոշուի 22 Մայիսին:

«22 Մայիսին ՀԱՊԿ-ի երկիրներու արտաքին գործոց նախարարներուն կողմէ որոշում պիտի տրուի Պելոռուսի ներկայացուցչին՝ 1 Յունուարի 2020-ին նշանակման վերաբերեալ (ՀԱՊԿի երկիրներու ղեկավարներուն զեկոյց ներկայացնելու համար), ինչպէս նախատեսուած է Հաւաքական անվտանգութեան խորհուրդի որոշումով», ըսաւ Սեմերիքով:

Ան նշեց, որ 1 Յունուար 2020-էն սկսեալ, գլխաւոր քարտուղարի պաշտօնը պիտի անցնի Պելոռուսին:

«Այդ պաշտօնը պէտք է զբաղեցնէր Հայաստանի ներկայացուցիչը, սակայն պարտաւորեցնող պարագայի բերումով, գլխաւոր քարտուղարի նշանակման հարցը պիտի որոշուի 22 Մայիսին», յայտարարեց Սեմերիքով:

LEAVE A REPLY

Please enter your comment!
Please enter your name here