ՄԻԵԴը Մանուէլ Գրիգորեանի Վերաբերեալ Որոշում Տուաւ

0
441

Մարդու իրաւունքներու եւրոպական դատարանը Հայաստանի կառավարութենէն կը պահանջէ կարելի եղածին չափ սեղմ ժամկէտի մը մէջ Մանուէլ Գրիգորեանը տեղափոխել բժշկական հաստատութիւն:

Մարդու իրաւունքներու եւրոպական դատարանը 6 Յունիս 2019 թուակիր իր որոշումով բաւարարեց Մանուէլ Գրիգորեանի պաշտպաններուն միջնորդութիւնը՝ անոր առողջական վիճակին վերաբերող միջանկեալ միջոց ձեռնարկելու համար:

ՄԻԵԴ-ը Հայաստանի կառավարութենէն նաեւ պահանջած է մինչեւ 12 Յունիս ներկայացնել համապատասխան տեղեկատուութիւն, որուն հիման վրայ դարձեալ պիտի քննէ միջանկեալ միջոց ձեռնարկելու վերաբերեալ միջնորդութիւնը:

Նշենք, որ քանի մը օր առաջ, Գրիգորեանի պաշտպանները շտապ բողոք ուղարկած էին ՄԻԵԴ-ին՝ յայտնելով, որ Մանուէլ Գրիգորեանը կը խոչընդոտեն պատշաճ բուժօգնութիւն ստանալու եւ այսպիսով զայն խոշտանգման կ՛ենթարկեն:

LEAVE A REPLY

Please enter your comment!
Please enter your name here