Կիպրոսի Հարցով Եւրոմիութիւնը Կ՛որոշէ Թուրքիոյ Դէմ Քայլերու Ձեռնարկել

0
375

ԼԻՒՔՍԵՄՊՈՒՐԿ, «Պլումպըրկ».- Եւրոպական Միութեան անդամ երկիրներու արտաքին գործոց նախարարները Լիւքսեմպուրկի մէջ 18 Յունիսին տեղի ունեցած իրենց հանդիպումին ընթացքին քննարկեցին Կիպրոսի ջուրերուն մէջ Թուրքիոյ սկսած ուժանիւթի ապօրինի պեղումներուն իբրեւ արդիւնք ծագած տագնապը, Եւրոպական յանձնաժողովէն պահանջելով՝ անյապաղ «Թուրքիոյ դէմ յարմար քայլերու դիմելու առաջարկներ ներկայացնել», որ կը նկատուի Անգարայի դէմ պատժամիջոցներ որդեգրելու առաջին քայլը։

Նախարարները լուրջ մտահոգութիւն յայտնեցին Թուրքիոյ ապօրինի աշխատանքներուն վերեբերեալ:

Իր կարգին, Թուրքիոյ արտաքին գործոց նախարարութիւնը դատապարտեց Անգարայի դէմ արձակուած որոշումը, զանոնք քաղաքական նպատակներ հետապնդող եւ «հակաիրաւական» քայլ համարելով եւ կոչ ընելով՝ վերատեսութեան ենթարկելու «այդ կողմնակալ եւ իրականութիւնը չարտացոլող դիրքորոշումը»:

LEAVE A REPLY

Please enter your comment!
Please enter your name here