3 Միլիառ 284.9 Միլիոն Դրամ՝ 32,5 Քիլոմեթր Մայրուղի Նորոգելու Համար

0
539

ԵՐԵՒԱՆ, «Փանորամա».- Կառավարութիւնը վերաբաշխում կատարեց՝ 2019ի պետական պիւտճէին մէջ փոփոխութիւններ եւ լրացումներ ընելով նախապէս ընդունած որոշումներուն մէջ եւ 3 միլիառ 284.9 միլիոն դրամ յատկացուց Տարածքային կառավարման եւ ենթակառուցուածքներու նախարարութեան: Գումարին 3.258 միլիառ դրամը շինարարական, հեղինակային եւ թեքնիք հսկողութեան ծառայութիւններու համար է, իսկ 26,88 միլիոն դրամը՝ նախագծային աշխատանքներու պատուիրման համար:

Ընդհանուր առմամբ, հիմնովին պիտի նորոգուի 32,5 քիլոմեթր մայրուղի: Նկատի ունենալով ժամանակի սղութիւնը եւ շինարարական աշխատանքներու եղանակային բնոյթը՝ կ՛առաջարկուի շինարարական աշխատանքներուն համար գնման ձեւ սահմանել հրատապ բաց մրցոյթը, թեքնիք բաժինի հսկողութեան ծառայութիւններուն համար՝ գնանշման հարցումը, հեղինակային հսկողութեան ծառայութիւններուն եւ նախագծային աշխատանքներու համար մէկ անձէ գնում կատարելու ընթացակարգը:

Գործադիրը համաձայնութիւն տուաւ նաեւ «Հայաստանի Հանրապետութեան եւ Վերականգնման վարկերի բանկի միջեւ «Ջրային ռեսուրսների համալիր կառավարում (ՋՌՀԿ)/Ախուրեան գետ, փուլ 2» ծրագիրին ուղեկցող միջոցառումներ իրականացնելու նպատակով 2.700.000 եուրօ գումարի չափով դրամաշնորհային համաձայնագիրի ստորագրութեան առաջարկին:

Ըստ հիմնաւորման՝ համաձայնագիրը նախատեսուած է ստորագրել ծրագիրին ուղեկցող միջոցառումներու փորձագիտական ծառայութիւնները ֆինանսաւորելու, ինչպէս նաեւ հիմնականին մէջ արտարժոյթի փոխանակման ծախսերը վճարելու համար:

LEAVE A REPLY

Please enter your comment!
Please enter your name here