ԱՆՆԱԽԱԴԷՊ ՀԱՅ ՊԱՐԻ ԵՐԵԿՈՅ Ս. ԱՍՏՈՒԱԾԱԾԻՆ ՎԱՆՔԻ ՇՐՋԱՓԱԿԻՆ ՄԷՋ

0
330

Մեծի Տանն Կիլիկիոյ Կաթողիկոսութեան Տեղեկատուական Բաժանմունքին կազմակերպութեամբ, Երեքշաբթի, 2 Յուլիս 2019-ի երեկոյեան ժամը 8:00-ին, Պիքֆայայի Ս. Աստուածածին Վանքի շրջափակը նոր շունչով տրոփեց իր ազգային ու հոգեւոր առաքելութիւնը, որովհետեւ իր շուրջ համախմբեց լիբանանահայ երեք մշակութային միութիւններու պարախումբերը՝ բան մը որ աննախադէպ էր։

Նոր Սերունդ մշակութային միութեան «Արեգ», Համազգայինի «Քնար» եւ ՀԲԸՄ -ՀԵԸ-ի «Արին» պարախումբերու պատանի եւ երիտասարդ պարողները՝ հայ մշակոյթի ջահակիրները, հոն հաւաքուած Հայ Մամուլի Համահայկական Համաժողովին մասնակիցներուն, ինչպէս նաեւ մշակութասէր հանրութեան հրամցուցին փունջ մը հայկական աւանդական պարեր։  ՀԵԸ-ի Արին պարախումբը իր՝  «Տըլէ Եաման», «Շալախօ»  պարերով  ներկաները  հմայեցին իրենց  բարձրորակ կատրողութեամբ, վաելուչ զգեստներով

Ձեռնարկին Ն.Ս.Օ.Տ.Տ. Արամ Ա. Կաթողիկոսը կողքին ներկայ էին նաեւ Հայաստանի Հանրապետութեան Վարչապետի Տիկին Աննա Յակոբեանը եւ Լիբանանի մօտ Հայաստանի դեսպան Վահագն Աթաբեկեանը, ՀԵԸ-ի Կեդրոնական Վարչութեան ատենապետ Վիգէն Չերչեան եւանդամներ։

Ելոյթներու աւարտին, երեք պարախումբերը միասնաբար ներկայայացուցին միացեալ պար մը, որուն խանդավառութեան արդիւնքով, ժողովուրդը միացաւ անոնց ու հայ ժողովուրդին վերածնունդը խորհրդանշող յուշարձանի «լանջին» պարեց եւ անգամ մը եւս հայ եկեղեցւոյ հովանիին ներքեւ ցնծաց հայ մշակոյթն ու արուեստը։

Այդ միջոցին, ՀԲԸՄ-ՀԵԸ-ի «Արին»  պարախումբը եւ պարախումբի վարչութեան անդամուհիները,  Հայաստանի վարչապետ Նիկոլ  Փաշինեանի տիկնոջ՝  Աննա  Փաշինեանի հետ միասնաբար պարեցին, անոր հետ  բաժնելով   յիշատակի   անմոռանալի պահեր:

 

 

LEAVE A REPLY

Please enter your comment!
Please enter your name here