ԱՄՆ Քոնկրեսական Ճեքի Սփիր Եւ Քիմ Քարտաշեան Կը Համատեղեն Հայոց Ցեղասպանութեան Ճանաչման Ջանքերը

0
268

Ամերիկեան յայտնի հեռատեսիլային աստղ Քիմ Քարտաշեան ծաւալուն հարցազրոյց մը տուած է The Wall Street Journal-ին, որուն նաեւ ըսած է, թէ կը փափաքի Հայոց Ցեղասպանութեան ճանաչումը դարձնել իր առաքելութիւնը:

Քիմ, որ կը զբաղի Միացեալ Նահանգներու մէջ քրէական արդարադատութեան բարեփոխումներու հարցերով, ըսած է, թէ  կը  փափաքի ուշադրութիւնը կեդրոնացնել ցեղասպանութեան:  Վերջերս հաղորդագրութիւն  մը  ղրկած է ԱՄՆ նախագահ  Տոնալտ  Թրամփի փեսային` Ճարէտ Քուշներին, որ նաեւ նախագահին խորհրդականն է` խնդրելով քննարկել հարցը, կը փոխանցէ panorama.am-ը:

«Ես կը փափաքիմ ան (ցեղասպանութեան ճանաչումը․-խմբ․) դարձնել իմ առաքելութիւնը: Հայրիկս շատ պիտի հպարտանար»,-ըսած է Քիմ` նկատի ունենալով ամերիկահայ իրաւաբան Ռոպըրթ Քարտաշեանը:

WSJ–ը նաեւ կը յայտնէ, որ Հայոց Ցեղասպանութեան ճանաչման հարցով Քիմ Քարտաշեանին զանգահարած է գոնկրեսական Ճեքի Սփիր` ակնկալելով այս հարցի շուրջ Քարտաշեան-Ուեսթի աջակցութիւնը: «Եթէ դուն կrնաս հասնիլ ատոր, որ նախագահը ճանչնայ ցեղասպանութիւնը, ատիկա պիտի ըլլայ բեկումնային` գոնկրեսի մէջ ցեղասպանութեան բանաձեւերու ընդունման համար»,- ըսած է Սփիր Քարտաշեանին:

Կը նշուի, որ երեք օրէն Քարտաշեան պիտի այցելէ Սպիտակ Տուն` քննարկելու քրէական արդարադատութեան հետ կապուած հարցեր եւ խոստացած է նաեւ անդրադառնալ Հայոց Ցեղասպանութեան հարցին:

LEAVE A REPLY

Please enter your comment!
Please enter your name here