Արցախի Նախագահը Ընդունեց «Դէպի Սուրբ Էջմիածին, Դէպի Սրբազան Արցախ» Հաւաքին Մասնակցողները

0
174

ՍՏԵՓԱՆԱԿԵՐՏ, «Արմէնփրէս».- Արցախի Հանրապետութեան նախագահ Բակօ Սահակեան 5 Յուլիսին, Ստեփանակերտի մշակոյթի եւ երիտասարդութեան պալատին մէջ հանդիպում ունեցաւ «Դէպի Սուրբ Էջմիածին, դէպի սրբազան Արցախ» համահայկական երիտասարդական հաւաքին մասնակցողներուն հետ:

Արցախի Հանրապետութեան նախագահի աշխատակազմի տեղեկատուութեան գլխաւոր վարչութեան համաձայն՝ նախագահը կարեւոր նկատեց նման նախաձեռնութիւններու կազմակերպումը Արցախի մէջ՝ ընդգծելով Հայ առաքելական եկեղեցւոյ նշանակալի դերակատարութիւնը Հայաստան-Արցախ-Սփիւռք եռամիասնութեան ամրապնդման, հայ ազգային ինքնութեան պահպանման, հայոց պետականութեան զարգացման եւ զօրացման մէջ:

Ներկայ եղան նաեւ Հայ առաքելական եկեղեցւոյ Արցախի թեմի առաջնորդ Պարգեւ արք. Մարտիրոսեան եւ պաշտօնատար այլ անձեր:

LEAVE A REPLY

Please enter your comment!
Please enter your name here