Տհուր Շուէրի Մէջ Հայկական Երեկոյ

0
177

Հայեր միշտ ալ նախասիրութիւն ունեցած են ամառնային հանգիստը անցընել Տհուր Շուէրի, Մրուժի եւ Պոլոնիայի մէջ: Այս առումով ալ Տհուր Շուէրի քաղաքապետարանը առաջարկած է, որ իր հրապարակին վրայ հայ մշակոյթի օր մը կազմակերպել, որպէսզի կարելի ըլլայ վերականգնել անցեալի օրերու յիշողութիւնը: Այս մասին Պուրճ Համուտի քաղաքապետարանի խորհուրդի անդամներ Յովիկ Գարապաճաքեանը եւ Դաւիթ Գազանճեանը ըսին, որ այս երեւոյթը առիթ է հաստատելու հայերու խաղաղ համակեցութեան եւ բարիդրացիական յարաբերութեան մշակումը բոլոր ժամանակներուն ալ:

Հայկական երեկոն տեղի պիտի ունենայ շաբաթ, 13 յուլիս 2019-ին, երեկոյեան 8:00-էն սկսեալ: Յայտագիրը պիտի բաղկանայ երկու բաժինէ. գեղարուեստական առաջին բաժինով հանդէս պիտի գան Համազգայինի գեղարուեստի դպրոցները` երգով, պարով, նուագով, իսկ երկրորդ բաժինով պիտի տեղադրուին հայկական ճաշատեսակներու կրպակներ` անհատական կամ ընկերութիւններու եւ միութիւններու պատրաստութեամբ: Իրենց կարգին, երգիչներ ալ պիտի ճոխացնեն մթնոլորտը:

Անոնք յայտնեցին նաեւ, որ հայկական եւ տեղական հաստատութիւններ եւ ընկերութիւններուն մեծ մասը պատրաստակամութիւն ցուցաբերած են հովանաւորելու հայ մշակոյթին նուիրուած այս երեկոն, որ տեղի պիտի ունենայ ժողովրդային ջերմիկ մթնոլորտի մէջ:

LEAVE A REPLY

Please enter your comment!
Please enter your name here