Արցախի Հակամարտութեան Գծով Պաքուի Դիրքորոշումը Կը Մնայ Անփոփոխ. Մամետիարով

0
165

ՊԱՔՈՒ, «Թուրան».- Ատրպէյճանի արտաքին գործոց նախարար Էլմար Մամետիարով 12 Յուլիսին ընդունեց Պաքու գտնուող Եւրոպայի խորհուրդի մարդկային իրաւունքներու յանձնակատար Տունիա Միյաթովիչի գլխաւորած պատուիրակութեան այցելութիւնը:

Երկկողմանի յարաբերութեանց վերաբերող կարգ մը հարցերու կողքին, քննուեցաւ նաեւ Արցախի հակամարտութեան լուծում մը գտնելու նպատակով շարունակուող բանակցային գործընթացը։

Մամետիարով տեղեկութիւններ փոխանցեց հայ-ատրպէյճանական հակամարտութեան լուծման համար ԵԱՀԿ-ի Մինսկի խմբակի համանախագահներուն միջնորդութեամբ կատարուած նորագոյն հանդիպումներուն մասին՝ ընդգծելով, որ Պաքուի դիրքորոշումը անփոփոխ է, կենսական համարելով «(մեր) բռնագրաւեալ տարածքներէն Հայաստանի զինուած ուժերուն հեռացումը եւ ատրպէյճանցի գաղթականներուն՝ իրենց հայրենի հողերը վերադարձը»:

 

LEAVE A REPLY

Please enter your comment!
Please enter your name here