Հայաստան Անդրկովկասի Մէջ Ռուսիոյ Առանցքային Գործընկերն Է

0
350

ՄՈՍԿՈՒԱ, «Թերթ».- Ռուսիա յատուկ ուշադրութեամբ կը հետեւի Հայաստանի եւ նախկին Խորհրդային Միութեան տարածքի այլ երկիրներու մէջ տեղի ունեցող քաղաքական իրադարձութիւններուն, յայտարարեց Ռուսիոյ արտաքին գործոց նախարար Սերկէյ Լաւրով՝ ռուսական «Արկումենթի Ի Ֆաքթի» թերթին հետ ունեցած հարցազրոյցին ընթացքին:

Ըստ Լաւրովի՝ Խորհրդային Միութեան փլուզումէն ետք, Արեւմուտքը սկսաւ աշխուժօրէն միջամտելու նախկին խորհրդային պետութիւններու, ներառեալ՝ Ուքրանիոյ եւ Վրաստանի ներքին գործերուն:

«Հայաստանի պարագային, իրավիճակը այլ է: Այս երկիրը Անդրկովկասի մէջ Ռուսիոյ առանցքային գործընկերն է: Վերջինիս հետ հաստատուած են ռազմավարական եւ դաշնակցային յարաբերութիւններ: Քաղաքական երկխօսութիւնը, խորհրդարանական գծով եւ միջազգային ասպարէզին մէջ համագործակցութիւնը աշխոյժ են: Ռուսիա Հայաստանի առաջատար տնտեսական գործընկերն է: Աշխոյժօրէն կը զարգանան նաեւ կրթական, մշակութային, ներդրումային եւ ռազմարհեստագիտական կապերը», ըսաւ Լաւրով։

LEAVE A REPLY

Please enter your comment!
Please enter your name here