Ա. Օհանեան Երեւանի Մէջ Պիտի Վարէ Տեղեկատուական Արհեստագիտութեանց Համաշխարհային Համագումարը

0
76

ԵՐԵՒԱՆ.- Reddit կայքի եւ Initialized Capital ընկերութեան հիմնադիր Ալեքսիս Օհանեան պիտի վարէ Երեւանի մէջ տեղի ունենալիք Տեղեկատուական արհեստագիտութիւններու համաշխարհային համագումարը (The World Congress on Information Technology (WCIT)): Այս մասին «Ֆէյսպուք»ի իր էջին վրայ կը տեղեկացնէ WCIT 2019-ը:

Աղբիւրին համաձայն՝ Ալեքսիս Օհանեան պիտի օգնէ ճանապարհ հարթելու նոր startup-ներու եւ պիտի փոխանցէ թարմ գաղափարներ, խորհուրդներ եւ մտայղացումներ:

Յիշեցնենք, որ այս տարուան Հոկտեմբերին, Հայաստանի մէջ տեղի պիտի ունենայ WCIT 2019 Տեղեկատուական արհեստագիտութիւններու համաշխարհային համաժողովը: Համաշխարհային մակարդակի այս ժողովին, որ կը կազմակերպէ Տեղեկատուական արհեստագիտութիւններու եւ սպասարկութիւններու համաշխարհային դաշինքը (WITSA), Հայաստանի կառավարութեան աջակցութեամբ, պիտի մասնակցին տեղեկատուական արհեստագիտութիւններու ոլորտէն փորձագէտներ, պաշտօնական անձեր եւ առաջատար ՏԱ ընկերութիւններու բարձրաստիճան ներկայացուցիչներ: Կազմակերպչական աշխատանքները կ՛իրականացնէ Առաջաւոր արհեստագիտութիւններու ընկերութիւններու միութիւնը:

 

LEAVE A REPLY

Please enter your comment!
Please enter your name here