Առաջին Եռամսեակին Պետական Պիւտճէի Եկամուտները Աճած Են 25 Տոկոսով

0
327

ԵՐԵՒԱՆ, «Արմէնփրէս».- Հայաստանի պետական պիւտճէ հաշուեգրուած հարկային եկամուտները 2019-ի առաջին եռամսեակին նախորդ տարուան նոյն ժամանակահատուածին հետ համեմատած՝ աճած են մօտ 25 տոկոսով:

Հայաստանի Պետական եկամուտներու կոմիտէն (ՊԵԿ) հրապարակեց ընթացիկ տարուան Յունուարէն Յունիս պետական պիւտճէ մուտքագրուած հարկային եկամուտներու եւ պետական տուրքի ծաւալները, որոնք այդ ժամանակահատուածին համար կազմած են 713,3 միլիառ դրամ՝ 2018-ի 572,9 միլիառ դրամին փոխարէն:

Առաջին եռամսեակին հաւաքագրուած հարկային եկամուտներու աճը պայմանաւորուած է գլխաւորաբար աւելցած արժէքի հարկի (ԱԱՀ), եկամտային հարկի եւ շահոյթի հարկի հարկային եկամուտներու աճով: Նշեալ ժամանակահատուածին, ԱԱՀ-ի եկամուտները աճած են 19 տոկոսով, եկամտային հարկի՝ 20 տոկոսով, շահութահարկի եկամուտները՝ 16 տոկոսով:

Ընթացիկ տարուան Յունիսին, նախորդ տարուան Յունիս ամսուան նկատմամբ պետական պիւտճէ մտած հարկային եկամուտներու ծաւալը աճած է 17 տոկոսով:

LEAVE A REPLY

Please enter your comment!
Please enter your name here