ԵԱՀԿը Տինքի Սպանութեան Գլխաւոր Պատասխանատուները Բացայայտելու Կոչ Կ՛ընէ

0
179

ՎԻԵՆՆԱ.- ԵԱՀԿի մամլոյ ազատութեան հարցերու յանձնակատար Հարլեմ Տեզիր դրուատեց «Ակօս» թերթի խմբագիր Հրանդ Տինքի սպանութիւնը իրականացուցած մեղսակիցներուն դէմ անցեալ շաբաթ արձակուած դատական վճիռները, սակայն շեշտեց, թէ Թուրքիոյ իշխանութիւնները աւելին ունին կատարելիք եւ պէտք է անյապաղ բացայայտեն 2007-ին կատարուած ոճիրին գլխաւոր պատասխանատուները։

«Ոճիրէն 12 տարի ետք, Հրանդին ընտանիքը, բարեկամները եւ անոր պաշտօնակից լրագրողները իրաւունք ունին գիտնալու այս գարշելի մարդասպանութեան ամբողջական ճշմարտութիւնը», ըսաւ Տեզիր։

Նշենք, որ նման յայտարարութիւն մը կատարեց նաեւ Թուրքիոյ քրտամէտ Ժողովուրդներու ժողովրդավարական կուսակցութեան հայազգի երեսփոխան Կարօ Փայլան։

LEAVE A REPLY

Please enter your comment!
Please enter your name here