Դատարանը Մերժեց Քոչարեանի Գոյքին Վրայ Դրուած Կալանքին Հարցով Դատախազութեան Բողոքը

0
172

ԵՐԵՒԱՆ, «Արմէնփրէս».- Վերաքննիչ քրէական դատարանը մերժեց Ռոպերթ Քոչարեանի գոյքին եւ դրամատնային հաշիւներուն վրայ դրուած կալանքի հարցով Հայաստանի դատախազութեան բողոքը:

Դատական նիստը կը նախագահէր դատաւոր Արսէն Նիկողոսեան:

Որոշման մէջ կ՛ըսուի, որ դատարանը որոշած է մերժել դատախազներուն կողմէ բերուած բողոքը, եւ օրինական ուժի մէջ պահել ընդհանուր իրաւասութեան առաջին ատեանի դատաւոր Աննա Դանիբեկեանի որոշումը՝ հիմք ընդունելով սոյն որոշման մէջ արտայայտուած իրաւական դիրքորոշումները:

30 Յուլիս 2018-ին, կալանք դր-ուած էր Քոչարեանի գոյքին եւ դրամատնային հաշիւներուն վրայ:

7 Յունիսին, Երեւան քաղաքի ընդհանուր իրաւասութեան դատարանը՝ նախագահութեամբ դատաւոր Աննա Դանիբեկեանի, մասնակի բաւարարած էր պաշտպան Յովհաննէս Խուդոյեանի ներկայացուցած բողոքը՝ արձանագրելով Քոչարեանի իրաւունքներու խախտում:

LEAVE A REPLY

Please enter your comment!
Please enter your name here