ԵԱՀԿի Նախագահի Ներկայացուցիչը Հանդիպեցաւ Արցախի Ղեկավարութեան Հետ

0
308

ՍՏԵՓԱՆԱԿԵՐՏ.- Արցախի Հանրապետութեան արտաքին գործոց նախարար Մասիս Մայիլեան Չորեքշաբթի, 24 Յուլիսին ընդունեց ԵԱՀԿի գործող նախագահի անձնական ներկայացուցիչ, դեսպան Անճէյ Քասփըրչիկը:

Ընթացքին կողմերը քննարկեցին Արցախի եւ Ատրպէյճանի զինուած ուժերու շփման գիծին վրայ տիրող իրավիճակը եւ ընդգծեցին ատրպէյճանա-արցախեան հակամարտութեան գօտիին մէջ կայունութեան պահպանման կարեւորութիւնը:

Կողմերը անդրադարձան նաեւ ԵԱՀԿի գործող նախագահի անձնական ներկայացուցիչին գրասենեակին կողմէ իրականացուող դիտարկումներուն վերաբերող հարցերու:

Նոյն օրը, Քասփըրչիկ Ստեփանակերտի մէջ ընդունուեցաւ Արցախի նախագահ Բակօ սահակեանի եւ Արցախի պաշտպանութեան բանակի հրամանատար զօրավար Կարէն Աբրահամեանի կողմէ:

LEAVE A REPLY

Please enter your comment!
Please enter your name here