Առաջին Կիսամեակին Հայաստան 6,5 Տոկոսի Տնտեսական Աճ Արձանագրած Է

0
199

ԵՐԵՒԱՆ.- Հայաստանի տնտեսական աշխոյժութիւնը այս տարուան Յունուարէն Յունիս ամիսներուն, նախորդ տարուան նոյն ժամանակահատուածին հետ համեմատած աճած է 6,5 տոկոսով:

Վիճակագրական կոմիտէի հրապարակած տուեալներուն համաձայն՝ 2019-ի Յունուարէն Յունիս, 2018-ի Յունուարէն Յունիս ամիսներուն հետ համեմատած՝ արդիւնաբերական արտադրանքի ծաւալը աճած է 6,9 տոկոսով, շինարարութեան ծաւալը՝ 4,7 տոկոսով, առեւտուրի շրջանառութիւնը՝ 8,9 տոկոսով, իսկ ծառայութիւններու ծաւալը՝ 15,3 տոկոսով:

Գիւղատնտեսութեան համախառն արտադրանքի ծաւալը 2019 Յունուարէն Յունիս ամիսներուն նախորդ տարուան Յունուար-Յունիս ամիսներուն նկատմամբ նուազած է 7,4 տոկոսով:

Ելեկտրականութեան արտադրութիւնը նոյն ժամանակահատուածին, նախորդ տարուան հետ համեմատած՝ նուազած է 5,5 տոկոսով:

Միջին ամսական անուանական աշխատավարձը Հայաստանի մէջ այս տարուան Յունուարէն Յունիս աճած է 5,6 տոկոսով՝ կազմելով 176 հազար 783 դրամ: Պետական օղակին մէջ աշխատողներու միջին ամսական աշխատավարձը աւելցած է 6,4 տոկոսով, իսկ ոչ-պետականին՝ 3,9 տոկոսով:

Ներկայիս Հայաստան կը համարուի միջինէն բարձր եկամուտ ունեցող երկիր:

LEAVE A REPLY

Please enter your comment!
Please enter your name here