Երեւան Ընդգրկուած Է Եւրոպական 20 Լաւագոյն Քաղաքներու Ցանկին Վրայ. «Սի.Էն.Էն.»

0
143

Ամերիկեան «Սի. Էն.Էն.» (CNN) պատկերասփիւռի ալիքը հրապարակեց ցանկը եւրոպական 20 ամէնէն գեղեցիկ քաղաքներուն, ուր մեծ թիւով զբօսաշրջիկներ չեն այցելեր, որուն մէջ ընդգրկուած է նաեւ Հայաստանի մայրաքաղաքը: Անոր տեսարժան վայրերը քիչ բացայայտուած են զբօսաշրջիկներու կողմէ, կը փոխանցէ «Թերթ»ը:

«Հայաստանի մայրաքաղաքի դիրքը Եւրոպայի հեռաւոր արեւելեան շրջաններուն մէջ կը նշանակէ, որ ճամբորդները յաճախ զայն նկատի չեն ունենար: Սակայն առաւել քան 2800 տարուան պատմութիւն ունեցող այս քաղաքին մէջ անցեալը կարելի է զգալ նոյնիսկ առանց զբօսաշրջիկներու մեծ խումբերու», կ՛ըսուի նկարագրութեան մէջ:

Նիւթին հեղինակները զբօսաշրջիկներուն խորհուրդ կու տան հայ եկեղեցւոյ եւ Երեւանի պատմութեան ծանօթանալու՝ «Էրեբունի» պատմաճարտարապետական թանգարանին մէջ:

Ցանկին վրայ ներառուած միւս քաղաքներէն են Մինսկը, Թիֆլիսը, Անգարան եւ Պեռնը:

LEAVE A REPLY

Please enter your comment!
Please enter your name here