Էլեն Սեկարայի Յուզիչ Անակնկալը` Լիբանանահայ Համայնքին

0
401

«Փարիզի Աստուածամօր տաճար»-ի Էսմերալտան` աշխարհահռչակ երգչուհի Էլեն Սեկարան, նախանցեալ երեկոյեան իր լիբանանեան մենահամերգը եզրափակած է «Տլէ եաման»-ի կատարումով: Ողջունելով իր լաւ բարեկամը` Լիբանանի մէջ Հայաստանի Հանրապետութեան դեսպանը, առանց նուագակցութեան, կատարեալ լռութեան մէջ Սեկարան իր մոգական ձայնով հնչեցուցած է «Տլէ եաման»-ը` զայն նուիրելով իր հայուհի մօրը` Թերեզա Գասպարեանին, ու յուզմունքէն ալեկոծուող հայ համայնքին:

Բազմահազարնոց համերգին ներկայ եղած են պետական պաշտօնեաներ, երեսփոխաններ, մշակութային, հասարակական եւ քաղաքական գործիչներ: Համերգը ուղիղ հեռարձակումով ցուցադրուած է Լիբանանի պետական պատկերասփիւռի կայանէն:

LEAVE A REPLY

Please enter your comment!
Please enter your name here