Արցախի Խոշոր Հարկատուներու Ցանկին Երկրորդ Եւ Երրորդ Դիրքերուն Վրայ՝ «Արցախբանկ»ն Ու «Ղարաբաղ Տելեկոմ»ն Են

0
211

ԵՐԵՒԱՆ, «Փան Արմինիըն».- Հարկերու մասին Արցախի օրէնքի 30.1ին յօդուածին համաձայն՝ հրապարակուած է առաջին 300 խոշոր հարկ վճարողներուն (առեւտրական կազմակերպութիւններու եւ անհատ ձեռնարկատէրերու) ու անոնց կողմէ ֆինանսական տարուան սկիզբէն վճարուած հարկերու մեծութիւններու ցանկը:

Այս մասին կը հաղորդէ Արցախի ելեւմուտքի նախարարութիւնը՝ մանրամասնելով, որ Հանրապետութեան 300 խոշոր հարկատուները այս տարուան Յունուար-Յունիս ամիսներուն պետական պիւտճէին վճարած են 24 միլիառ 75 միլիոն 500 հազար դրամի հարկեր, տուրքեր եւ պարտադիր այլ վճարումներ՝ նախորդ տարուան նոյն ժամանակահատուածին 21 միլիառ 402 միլիոն 800 հազար դրամի փոխարէն կամ՝ 2 միլիառ 672 միլիոն 700 հազար դրամով աւելի:

Ըստ աղբիւրին՝ հրապարակուած ցանկին մէջ, ինչպէս նախորդ տարուան առաջին կիսամեակին, այս տարի եւս ցանկը կը գլխաւորէ «Բէյզ Մեթըլս» ընկերութիւնը:

Ընկերութեան կողմէ այս տարուան առաջին կիսամեակին պիւտճէ մուտք գործած է շուրջ 11 միլիառ 798 միլիոն 200 հազար դրամի հարկեր, տուրքեր եւ պարտադիր այլ վճարումներ:

Երկրորդ եւ երրորդ դիրքերուն վրայ են «Արցախբանկ» եւ «Ղարաբաղ Տելեկոմ» ընկերութիւնները՝ համապատասխանաբար 1 միլիառ 606 միլիոն 900 հազար եւ 1 միլիառ 526 միլիոն 100 հազար դրամ պետական պիւճէին վճարուած գումարներով:

LEAVE A REPLY

Please enter your comment!
Please enter your name here