Կոստան Զարեանի Արխիւը Նուիրուեցաւ Մատենադարանին

0
206

ԵՐԵՒԱՆ.- Կոստան Զարեանի ժառանգորդները 24 Յուլիսին, Մեսրոպ Մաշտոցի անուան Մատենադարանին նուիրեցին գրողին ձեռագիրներուն արխիւը, ինչպէս նաեւ իրենց հօր՝ ճարտարապետ Արմէն Զարեանի ճարտարապետութեան, քաղաքաշինութեան, արուեստի մասին զանազան լեզուներով գրուած, անտիպ եւ հրատարակուած ձեռագիր եւ մեքենագիր նիւթեր:

Նուիրատուութեան նպատակը եղած է պահպանել, համակարգել, արխիւացնել, ուսումնասիրել, հրատարակել, հանրային դարձնել եւ թուայնացնել Կոստան Զարեանի գրական, արուեստագիտական, նամակագրական, նօթագրական եւ կենսագրական ամբողջ ձեռագիր ու մեքենագիր անտիպ եւ հրատարակուած մեծարժէք նիւթերը:

Մատենադարանի «Ֆէյսպուք»ի էջը կը հաղորդէ, որ այսքանով արխիւը տակաւին չէ ամբողջացած: Յառաջիկայ ամիսներուն Հայաստան պիտի բերուին Կոստան Զարեանի այլ երկիրներու մէջ գտնուող արխիւները, որոնց պահպանումը նոյնպէս պիտի վստահուի Մատենադարանին:

LEAVE A REPLY

Please enter your comment!
Please enter your name here