Նախկին Դեսպանը Ուաշինկթընէն Որեւէ Ակնկալութիւն Չունենալու Կոչ Կ՛ըէն Սուրիացի Ընդդիմադիրներուն

0
145

ՈՒԱՇԻՆԿԹԸՆ.- Սուրիոյ մօտ Միացեալ Նահանգներու նախկին դեսպան Ռապըրթ Ֆորտ սուրիական ընդդիմութեան խրատեց, որ Ուաշինկթընէն որեւէ ակնկալութիւն չունենայ, որովհետեւ «Ուաշինկթընի մէջ ոչ ոք պատրաստ է Սուրիոյ պատճառով Համաշխարհային Գ. պատերազմի մը վտանգը դիմակայելու»։

«Այլ պետութեան մը դէմ միջամտութիւնը կարիքը ունի (ՄԱԿ-ի) Ապահովութեան խորհուրդի հաւանութեան, եթէ այդ միջամտութիւնը ուղղակի յարձակումի հակադարձութիւն չէ», նշեց ան՝ աւելցնելով. «Երկու պայմաններ ապահովուած չեն. Սուրիան Միացեալ Նահանգներու դէմ յարձակում չէ գործած, իսկ Ապահովութեան խորհուրդը այդպիսի որոշում մը պիտի չհրապարակէ, որովհետեւ Ռուսիա եւ Չինաստան անոր դէմ վեթոյի իրաւունքը պիտի կիրարկեն: Ուաշինկթըն եւ Մոսկուա իրարու միջեւ բաժնեցին սուրիական օդային տարածքը. ռուսերը կը վերահսկեն Եփրատ գետէն արեւմուտք գտնուող ամբողջ օդային տարածքին, իսկ ամերիկացիները՝ գետին արեւելքը գտնուող ամբողջ օդային տարածքին, եւ եթէ ամերիկեան օդուժը Իտլիպի վերեւը թռիչքի ձեռնարկէ, ռուսական եւ ամերիկեան պատերազմական օդանաւերուն միջեւ ճակատումը իրապէս հաւանական պիտի դառնայ:

Ոչ ոք գիտէ, թէ Ուաշինկթըն Սուրիոյ ժողովրդավարական ուժերուն կապող յատուկ յարաբերութիւնները որքա՛ն պիտի տեւեն, սակայն մեր փորձառութիւնը կը թելադրէ, որ անոնք օր մը վերջ պիտի ունենան», ըսաւ Ֆորտ:

LEAVE A REPLY

Please enter your comment!
Please enter your name here