Մամոկրաֆիի Անվճար Քննութիւններ՝ Տաւուշի, Սիւնիքի Եւ Լոռիի Մէջ

0
207

ԵՐԵՒԱՆ.- Առողջապահութեան նախարար Արսէն Թորոսեան Դիմատետրի իր էջին վրայ գրեց, որ 50-69 տարեկան կիներու մամոկրաֆիի անվճար քննութիւն պիտի կատարուի Հայաստանի երեք մարզերուն մէջ, որպէսզի կարելի ըլլայ կրծքագեղձի քաղցկեղի կանխարգելման եւ շուտափոյթ յայտնաբերման անհրաժեշտ քայլերուն դիմել:

Քննութիւնները պիտի կատարուին Հայաստանի Հանրապետութեան եւ Եւրասիական կայունացման եւ զարգացման հիմնադրամին միջեւ ստորագրուած «Առողջապահութեան առաջնային օղակին մէջ ոչ վարակիչ հիւանդութիւններու կանխարգելման եւ վերահսկման կատարելագործում» դրամաշնորհային ծրագիրի ծիրին մէջ:

Առողջապահութեան նախարարութեան տուեալներով՝ 2017-ի աւարտին Հայաստանի մէջ քաղցկեղ ունեցողներուն թիւը հասած է 43.830-ի, որոնց 25 տոկոսը ունեցած է կրծքագեղձի քաղցկեղ: Իսկ քաղցկեղ ունեցող կիներուն մէջ կրծքագեղձի քաղցկեղ ունեցողները կազմած են 40 տոկոս:

LEAVE A REPLY

Please enter your comment!
Please enter your name here