Նորակոչիկները Զինուորական Երդում Տուին Սարդարապատի Մէջ

0
207

ԵՐԵՒԱՆ, «Երկիր».- Սարդարապատի յուշահամալիրին մէջ N զօրամասի նորակոչիկները տուին իրենց զինուորական երդումը՝ ներկայութեամբ զօրամասի հոգեւոր սպասաւորներուն, սպաներուն եւ զինուորականներուն, զինուորներու ընտանիքներուն ու հարազատներու:

Ի թիւս բազմաթիւ բարեմաղթութիւններու, որոնք ուղղուած էին երդուեալ զինուորներուն, իր օրհնութեան խօսքը եւ մաղթանքները ուղղեց զօրամասի աւագ գունդերէն Արիս քահանայ Խաչատրեան: Բաշխելով իր օրհնութիւնը եւ բարեմաղթանքները՝ ան ըսաւ. «Սիրելի՛ զինուորներ, այսօր դուք ձեր երդումով եւս մէկ անգամ ամրագրեցիք այն ճշմարտութիւնը, որ պահապանն ու պաշտպանն էք մի ժողովրդի, որն իր մէջ բիւրեղացնում է դարաւոր պատմութիւն. Պատմութիւն փառքի եւ յաճախ նահանջի: Սակայն այսօր մեզանից է կախուած, թէ մեր ապագան ինչպիսի ներկայի ու պատմութեան կը վերածուի: Սիրելինե՛ր, ուստի մաղթանքս է որպէսզի այս պահին ձեր կողմից տրուած երդումը դառնայ զինուորական ծառայութեան հաւատամք»:

Տէր Հայրը՝ անդրադառնալով ազգին ու հայրենիքին դիմաց ծառացած մարտահրաւէրներուն, պատգամեց սպառազինուիլ համբերատարութեամբ եւ մտքի ու մարմնի տոկունութեամբ՝ ամէն վայրկեան հայցելով Աստծոյ օգնութիւնը, ապա նշեց. «Այս մարտահրաւէրների յաղթահարման առհաւատչեան հայոց բանակն է իր անկոտրում եւ հաւատաւոր զինուորներով ու սպաներով: Ուստի շատ կարեւոր է, որ հայոց բանակի իւրաքանչիւր օղակ համակուի աստուածային ներդաշնակութեամբ՝ դառնալով ամբողջական շղթայի ներդաշնակ մասնիներից հերթականը»:

LEAVE A REPLY

Please enter your comment!
Please enter your name here