Պաքու Կը Դատապարտէ Փաշինեանի «Արցախը Հայաստան Է Եւ Վերջ» Յայտարարութիւնը

0
192

ՊԱՔՈՒ, «Թուրան».- Ատրպէյճանի նախագահի աշխատակազմի արտաքին քաղաքականութեան հարցերու բաժինի ղեկավար Հիքմեթ Հաճիեւ յայտարարեց. «Մենք կտրուկ կերպով կը մերժենք Հայաստանի վարչապետին կողմէ Խանքենտի (Ստեփանակերտ) կատարած անօրինական այցելութեան ատեն հնչեցուցած՝ «Ղարաբաղը՝ Հայաստան է» յայտարարութիւնը: Լեռնային Ղարաբաղը՝ Ատրպէյճան է: Լեռնային Ղարաբաղը Ատրպէյճանի պատմական հողն է եւ անոր անբաժանելի մասը», պնդելով, որ Պաքու պիտի չարտօնէ, որ Արցախը Հայաստանին միանայ։

Ան «անպատասխանատուութիւն եւ միջազգային հանրութեան ու մասնաւորապէս ԵԱՀԿի Մինսկի խմբակի համանախագահներուն նկատմամբ անարգալից վերաբերմունք» նկատեց Փաշինեանի յայտարարութիւնը։

Ըստ անոր՝ Հայաստան սկսած է վարչապետի մակարդակով վիրաւորել եւ ոտնակոխել միջազգային սկզբունքները, «ոչնչացնելով ղարաբաղեան հակամարտութեան կարգաւորման բանակցային գործընթացը»։

«Թող ոչ ոք կասկածի, որ Ատրպէյճան պիտի ապահովէ իր տարածքային ամբողջականութիւնը եւ ինքնիշխանութիւնը միջազգայնօրէն ճանչցուած սահմաններուն մէջ եւ պիտի ապահովէ ցեղային մաքրագործման ենթարկուած իր քաղաքացիներուն հայրենի հողերը վերադառնալը», ըսաւ է ան:

LEAVE A REPLY

Please enter your comment!
Please enter your name here