27 Բնակարան Եւ Դպրոց Պիտի Կառուցուի Շահումեանի Եւ Քաշաթաղի Մէջ

0
254

Արցախի Հանրապետութեան պետական նախարար Գրիգորի Մարտիրոսեան 7 օգոստոսին ընդունած է «Արցախ Ռութց ինվեսթմենթ – (ԱՌԻ) ընկերութեան վարչական խորհուրդի անդամներ Ստեփան Տէր Պետրոսեանն ու Վաչէ Մելքոնեանը: Քննարկուած են Քաշաթաղի շրջանի Աղաւնոյ համայնքին մէջ («Առիաւան» թաղամաս») տասներկու եւ Շահումեանի շրջանի կեդրոն Քարվաճառ քաղաքին մէջ («Սիտնի» թաղամաս») տասնհինգ տուներ կառուցելու ծրագիրին առնչուող հարցեր: Ձեռք բերուած պայմանաւորուածութեան համաձայն, ընկերային տարբեր խումբերու համար նախատեսուած բնակարանները պատրաստ պիտի ըլլան շահագործման մինչեւ տարեվերջ:

Այնուհետեւ Գրիգորի Մարտիրոսեան Արցախի կառավարութեան անունով «ԱՌԻ» ընկերութեան հետ ստորագրած է համաձայնագիր` ազդարարելով Աղաւնոյ համայնքին մէջ դպրոցական շէնքի շինարարութեան մեկնարկը:

Պետական նախարարը բարձր գնահատած է ընկերութեան աջակցութիւնը Արցախի մէջ վերաբնակեցման հոլովոյթին` ընդգծելով սփիւռքի հետ փոխադարձ շահաւէտ ծրագիրներու հետեւողական իրագործումն ու ընդլայնումը:

LEAVE A REPLY

Please enter your comment!
Please enter your name here