Հայաստանի Մէջ Աւելցած Է Անգործներուն Թիւը

0
236

ԵՐԵՒԱՆ, «Առաւօտ».- Հայաստանի վիճակագրական կոմիտէի՝ զբաղուածութեան վերաբերեալ 2018-2019-ի առաջին եռամսեակի ցուցանիշներուն համաձայն՝ Հայաստանի մէջ աշխատանք փնտռող քաղաքացիներուն մէջ կիներուն թիւը բաւական կը գերազանցէ տղամարդոց թիւը:

Հայաստանի մէջ այս տարուան առաջին եռամսեակին որպէս մարդուժ ներկայացուած է 2 միլիոն 65 հազար 600 մարդ, որուն 1 միլիոն 115 հազար 900-ը կիներ են, 949 հազար 700-ը՝ տղամարդիկ: Իսկ 2018-ի առաջին եռամեակին իբրեւ մարդուժ ներկայացուած թիւը այս տարուընէ քիչ մը նուազ է՝ 2 միլիոն 34 հազար 500 մարդ, որուն 926 հազար 200-ը՝ տղամարդ, 1 միլիոն 108 հազար 300-ը՝ կիներ:

Նշենք, որ այս տարուան 1  Յուլիսի դրութեամբ, ըստ նոյն աղբիւրին, Հայաստանի մնայուն բնակչութեան թիւը կազմած է 2 միլիոն 961 հազար 600 մարդ, իսկ Հայաստանի վերջին՝ 2011-ին կատարուած մարդահամարին համաձայն, կանանց թիւը կը գերազանցէ տղամարդոց թիւը՝ 100 հազարէն քիչ մը աւելիով:

Այս տարի պաշտօնապէս արձանագրուած անգործներուն թիւը կազմած է 253 հազար 600 մարդ, որուն 152 հազար 200-ը՝ տղամարդիկ, 101 հազար 400-ը՝ կիներ: Իսկ 2018ին արձանագրուած էր 237 հազար 600 գործազուրկ, որուն 133 հազար 100-ը՝ տղամարդիկ, 104 հազար 400-ը՝ կիներ:

LEAVE A REPLY

Please enter your comment!
Please enter your name here